ოფიციალური დოკუმენტების ბლოკში გელათის სამონასტრო კომპლექსთან დაკავშირებული მნიშვნელოვანი მასალაა თავმოყრილი, როგორიცაა - წარსულ წლებში ძეგლზე განხორციელებული ჩარევების გეგმები, პროექტები, ანგარიშები, საექსპერტო და მონიტორინგის ანგარიშები, ძეგლის საკონსერვაციო მდგომარეობის ანგარიშები, სხვადასხვა გრაფიკული და ფოტო დოკუმენტაცია, ასევე მისი სტატუსისა და კატეგორიის განმსაზღვრელი სამართლებრივი აქტები; მსოფლიო მემკვიდრეობის კონვენციის ფარგლებში გამიტანილი გადაწყვეტილებები და საერთაშორისო ექსპერტთა მიერ შემუშავებული რეკომენდაციები. ოფიციალური დოკუმენტების ბლოკი - მუდმივად განახლებადი გვერდია, სადაც, როგორც პროფესიული, ასევე, ფართო საზოგადოებისთვის ხელმისაწვდომი იქნება გელათის სამონასტრო კომპლექსის რეაბილიტაციისა და მისი განვითარების მიმართულებით მიმდინარე პროცესების ეტაპობრივი შედეგების ამსახველი დოკუმენტები.