გელათის რეაბილიტაციის დროებითი კომიტეტის ორგანიზებით, იუნესკოს მსოფლიო მემკვიდრეობის ძეგლის გელათის სამონასტრო კომპლექსის ტერიტორიაზე, სამომავლო არქეოლოგიური სამუშაოების მოსამზადებელი ეტაპის ფარგლებში, გეოფიზიკური, არაინვაზიური კვლევითი სამუშაოები მიმდინარეობს. სამუშაოები გერმანელი მეცნიერების მიერ ხორციელდება. აღნიშნული არაინვაზიური კვლევები ტარდება როგორც მაგნიტომეტრული, ისე ელექტრული წინაღობების მეთოდების გამოყენებით და ხელმისაწვდომს გახდის იმ არქეოლოგიური მასალის შესახებ წინასწარულ ინფორმაციას, რომელიც გრუნტის 2-3 მეტრის სიღრმეზე შეიძლება არსებობდეს.